المقادير:

للعجينة:

• 125غ زبدة

• 80غ سكر ناعم

• 1 صفار بيضة

• فانيليا

• قرصة خميرة كيميائية

للحشو:

• كراميل توفيا

• موز

• شكلاطة بالحليب/سوداء

• كريمة طازجة

• كريمة الشنتيي

طريقة التحضير:

نبدأ بتخضير القوالب، في اناء نضع الزبدة طرية مع السكر الناعم نمزج جيدا نضيف صفار بيضة، فانيليا نمزج ثم نبدأ باضافة الفرينة مع قرصة خميرة كيميائية تدريجيا حتى نتحصل على عجينة طرية نوعا ما نتركها لترتاح مدة 15د.

نبسط العجين على ورق الطهي سمك 5مم نطبع دوائر ثم نبدأ بملأ المول (انا اخترت مول الدزيريات).

ندخل الصينية للفرن على درجة 180.

نحضر غاناش الشكلاطة، نذوب 200غ شكلاطة(سوداء+بالحليب) في حمام مائي ثم نضيف عليها 100مل كريمة طازجة نحرك جيدا بالمضرب اليدوي حتى تصبح متجانسة نعمرها في كيس حلواني.

نحضر كريمة الشانتيي، نطلعو نصف كاس شانتيي مع نصف كاس حليب بارد نضربو جيدا حتى يصبح قوامها مناسب نعمرها في كيس حلواني.

نقطع الموز شرائح.

عند استواء القوالب نتركهم ليبردو ثم نقوم بنزعهم من المول بلطف و نبدأ بملئهم، نحط م/ص من كراميل توفيا في القاع نضع شريحة موز و نعمر الباقي بغاناش الشكلاطة و نزينو الوجه بكريمة الشنتيي و نضع حبة كرز او فراولة(التزيين إختياري)، تقدم باردة.

الصور: